Gamit ang gunting.. Bucor officer, sinaksak ng preso

Sinaksak ng isang inmate na may problema umano sa pag-iisip ang isang opisyal ng Bureau of Cor­rections (BuCor) sa loob ng New Bilibid Prison (NBP) kahapon ng umaga sa Mun­tinlupa City.

Agad dinala sa Ospital ng Muntinlupa ang bikti­mang si Inspector Edgardo Ferrer, duty officer ng NBP na nagtamo ng saksak sa katawan.

Kinilala ang inmate na nanaksak na si ‘Wilson’ na nakakulong sa maximum security compound Building 4A.

Bandang alas-8:00 ng umaga habang ina-account ang mga inmate sa Building 4A ng maximum security compound nang bigla uma­nong nilapitan ng inmate na may schizophrenia si Ins­pec­tor Ferrer at sinaksak ga­mit ang gunting.

Samantala, dinala agad sa psychiatric ward ng NBP si ‘Wilson’ para sa pagsusuri.