Ginang, edad 4 at 5 natusta

DEDO ang tatlong magkakamag-anak nang ma-trap sa kanilang bahay na nasunog kahapon ng umaga sa Tondo, Manila.

Ayon kay Fire Insp. John Jalique, unang napaulat na nawawala ang mga biktimang sina Mara Beneza, 23, anak nitong si Leo Lance Tequillo, 4, at pamangking si Andrei Tequillo, 5, pero nang makontrol na ang apoy ay nakita ang kanilang sunog na katawan sa loob ng kanilang bahay na magkakayakap.

Habang dalawang bata pa na nasa edad 7 at 8 ang nagtamo ng first at second-degree burns sa naganap na sunog.

Ayon kay FO1 Axel Ramos, alas-6:17 ng umaga nang sumiklab ang sunog sa isang dalawang palapag na residential building sa Honorio Lopez Boulevard, sa Tondo. Ayon kay Michelle Bacanza, kaanak ng mga biktima at residente rin sa lugar, hindi nakalabas ang mga biktima sa nasusunog nilang bahay.