4 naghati sa Korona ng BNTV cup

MATAPOS mapawi ang usok ng alikabok, apat na kalahok ang nanatiling matatag hanggang sa huli upang magtapos na may tig-9 na panalo at maghari sa labanan ng halos 1,800 entries at pagsaluhan ang kampeonato ng 2019 BNTV Cup 9-Stag Early-Bird 9-Stag Derby matapos ang Grandfinals sa Smart Araneta Coliseum noong Lunes.

Handog nina Joey Sy & Eddie Boy Ochoa na may buong suporta ng Thunderbird Bexan XP, ang early-bird concept ng BNTV Cup ay ginamit na rin ng Federation of International Gamefowl Breeders Associations (FIGBA) at ng Pambansang Federation ng Gamefowl Breeders (PFGB-Digmaan).

Nagtapos na may perpektong iskor na 9 na puntos ang mga lahok na Boss Boyet Sept. 21 3stag/Cock Bday Ulutan (Boyet Samson), Gold Cup (Anthony Pineda & Rey Briones), JEBL GF (Banjo & Jokie) at Optimus GF (Neil Camello / Daniel Delos Reyes). Nag-runners-up sa iskor na 8.5 puntos sina N&N (Jeric Uy) at Sapot (Leonardo Manalo / Napo Sahagun).

Kahanga-hanga din ang mga 8-pointers na sina 3a’s Kiddos (Amiel Angeles), Bergal Bmeg Integra Powermaxx 2 (Erick/ Loyd), Fey Gemini MRJ (Jesse Dianco), Genx1 (Jeepoy), Jump Around Dakmaan (Jing/PTM), Llenard’s Gamefarm (Ferdinand Chua), LM GF (Jofferson O. Collantes), Miguels (Nestor B. Macapagal Jr.), Quinn Cheys Gamefarm (Jet Delos Santos), Team Liberator Belman B-26 (Jimmy Mariquit), Triple J Farm 4 (Jervy Maglunob / Ady) at Zeus Mathew GF (Ronald Lescano). (MC)