2nd championship, inangkin ng Balanga sa 3x3 magiting cup

NASUNGKIT ng Wi­kins Balanga ang kanilang ikalawang kampeonato sa Chooks To Go Pilipinas 3X3 Magiting Cup handog ng Coca-Cola Martes ng ha­pon sa SM City BF Para­ñaque. Pinasok ni Karl De­he­sa ang dos na may dala­wang minuto sa orasan para tuldukan ang mainit na laro kontra sa kanilang matinding karibal na Equalivet Pasig, 21-20, at mag-uwi ng P100,000 at inihaw na manok.

Bago ang lahat, winasak ni Alvin Pasaol ang huling tabla ng laro, 19-18. Agad itong sinagot ng dos ni Dylan Ababou upang ibalik ang lamang sa Pasig, 20-19, subalit pinasa agad ang bola sa naiwanang libre na si Dehesa.

Binura ng Balanga ang noong nakaraang linggo ang Fyr Fyter Bacolod sa semifinals, 21-14. Pinauwi ng Pasig ang Phenom Basilan CTC Construction, 21-18, sa likod ng dos ni Ababou na may 1:09 sa orasan.

Nagpamalas ng kakai­bang talas ng shooting ang Balanga sa quarterfinals kung saan pinaulanan nila ng 11 dos ang Uling Roasters Bulacan, 21-15. Sa elimination round noong umaga, winalis ng Partas Narvacan, 21-9, at Wilkins Muntin­lupa, 22-10, para maging numero uno sa Grupo C.