Taxi nawalan ng preno, 10 nadale

SAMPU katao ang suga­tan matapos mawalan ng preno ang isang taxi at ara­ruhin ang mga ito sa Bgy. Pineda, Pasig City, kama­kalawa ng gabi.

Ginagamot sa Rizal Me­dical Center at The Medical City ang sampung biktima habang nasa kustodiya ng Pasig City Police ang suspek na si Roberto Marquez, 58, driver ng Toyota Vios taxi (UWB 534).

Alas-7:30 ng gabi, mi­namaneho ni Marquez ang kanyang taxi at patungong southwest ng Pasig Boule­vard kasabay ang Suzuki motorcycle nang bigla umano itong mawalan ng preno. Nabangga ng taxi ang hulihang bahagi ng dalawang motorsiklo, sanhi upang su­memplang ang mga ito at masugatan ang mga rider.

Nagtuluy-tuloy ang taxi at nasagasaan ang iba pang bystanders at naghihintay ng masasakyan.