Bebot na nakaupo lang sa motor, dedbol sa van

NEGROS ORIENTAL—Isang babae ang namatay nang aksidenteng mabangga ng van ang kinauupuan nitong motorsiklo kamakalawa sa bayan ng Sibulan.

Ang biktima ay nakilalang si Connie Gulay, nakatira sa nabanggit na lalawigan.

Ayon sa ulat, habang nakaupo si Gulay sa nakaparadang motorsiklo ay aksidente itong nabangga ng van na minamaneho ni Ronelo Sayson.

Dinala ng mga saksi si Gulay sa ospital, pero idineklara itong dead-on-arrival, samantalang, kusa namang sumuko sa mga awtoridad si Sayson.