Planta pinasok, binuhusan ng gasolina.. Tabloid, sinunog ng 4 na armado

PATULOY ang imbes­tigasyon sa naganap na pa­nununog ng apat na sus­pek sa printing office ng pa­ha­yagang Abante sa Pa­ra­ñaque City, kahapon ng ma­daling-araw.

Ayon sa inisyal na ulat, nagsimula ang sunog sa production area ng industrial printing press ng Abante na matatagpuan sa Fortunata Building 1, Vitalez Com­pound, Bgy. San Isidro, ala-1:57 ng madaling-araw.

Agad rumesponde ang mga pamatay-sunog sa lu­gar at nakontrol ang apoy alas-2:06 ng madaling-araw at tinatayang P50,000 ang natupok na ari-arian.

Samantala, naglabas na­man ng pahayag ang pamu­nuan ng Abante News Group at mariing tinuligsa ang gi­nawang pag-atake at pagsu­nog ng apat na umano’y ar­madong lalaki na pawang nakamaskara.

Binuhusan umano ng gasolina bago sinilaban ang mga makina at nakaimbak na supply ng imprenta.

Anila, naisakatuparan ng mga suspek ang pag-atake sa loob lamang ng limang minuto. Kaugnay nito, dala­wang empleyado ang sinasa­bing nasugatan sa insidente.

“The management and staff of Abante and Tonite condemn this dastardly at­tack, the first violent act against our group and its facilities since 1987. We will not be cowed by this attempt to strike fear into our re­porters, editors and staff. Our commitment to hard-hitting journalism remains unshaken,” pahayag ni Abante Managing Editor Fernando Jadulco.