P4.1 trillion 2020 National budget, lusot na

LUSOT na sa House Committee on Appropriat­ions ang House Bill 4228 o 2020 General Appropria­tions Bill na aabot sa 4.1 trillion pesos.

Ayon kay Albay Rep. Joey Salceda, senior vice-chairman ng komite, walang binago ang Appropriations Committee o kahit tuldok sa isinumiteng National Expen­diture Program ng Depart­ment of Budget and Manage­ment (DBM).

Bagama’t, humirit ang ilang ahensiya ng gobyerno na madagdagan ang kanilang pondo sa susunod na taon, hindi muna ito naisingit sa komite.

Paliwanag ni Commit­tee Chairman Rep. Isidro U­ngab, maaaring mapag-usa­pan ang pagbabago sa mga alokasyon ng pondo kapag naisalang na sa period of amendments sa plenaryo o sa bicameral conference committee.

Tiniyak ni Ungab na wa­lang pork barrel ang 2020 budget bill dahil ibinatay ito sa isinumite ng Malacañang.

Isandaang porsiyento ring tiwala ang kongresista na hindi na makukuwestiyon sa Senado ang kanilang bersyon.