127 LGUs, buking ng COA.. P646-M budget kontra-kalamidad, nakatengga

NAKUKUWESTIYON ang mahigit 100 Local Government Units (LGUs) na bigong magamit ang ka­nilang pondo para sa Local Disaster Risk Reduction and Management (LDRRM).

Batay sa ulat ng Com­mission on Audit (COA), maituturing na paglabag sa batas ang hindi paggamit ng pondo na kabuuang P646 milyon sa LDRRM at sa halip ay maaaring nagamit sa ibang bagay na hindi nau­ugnay sa kalamidad.

Sa 204 pahinang conso­lidated report ng COA tung­kol sa anti-disaster fund noong 2018, 127 LGUs ang hin­di nag-transfer ng kabu­uang P546 milyon na un­spent LDRRM funds sa Special Trust Fund na labag sa COA Circular no. 2012-12.

Ang Region 6 ang may pinakamalaking hindi naga­mit na anti-disaster fund na P99.7 milyon at pangalawa ang National Capital Region (NCR)-Muntinlupa City na P88 milyon.

Kabilang sa mga re­hiyon na may malaking un­spent anti-disaster funds na hindi pa naililipat sa Special Trust Funds ay ang Region 5 (P67M), Region 1 (P65.3M) Region 7 (P60M), Region 4A (P57M), Region 2 (P43.6M), Region 3 (21M) Cordillera Administrative Region (P17.8M), Region 4B (P14.8M), Region 12 (P9.4M) at Bangsamoro Au­tonomous Region (P1.38M)

Ang pondo ng Bangsa­moro Region ay inilaan sa Marawi City matapos itong salakayin ng Maute-ISIS Group mula noong Mayo hanggang Oktubre ng 2017.