Mga pasaway sa illegal parking, ito-towing at P6,000 multa!

RYAN B. SISON / BOSES

Tila hindi natitinag sa pagti-ticket lang ang mga nag-i-illegal parking sa arterial roads o ‘yung mga kalsadang di­­naraanan papasok at palabas ng EDSA.

Dahil dito, plano ng Metropolitan Manila Development Authority (MMDA) at Philippine National Police-Highway Patrol Group (HPG) na paigtingin ang anti-illegal parking operations mula ngayong araw.

Magsasanib-puwersa ang dalawang grupo para masugpo ang mga suki sa illegal parking sa mga arterial road.

Ayon sa grupo, sisimulan ito sa tat­long barangay na umano’y notoryus sa illegal parking tulad ng Bgy. Bagong Li­punan, Bgy. San Roque at Bgy. So­corro. Anila, ito ang dahilan kaya lumalala ang trapiko sa bandang Santolan.

Aminado naman ang HPG na ang bilang ng mga sasakyan ang numero-unong rason, pero kabilang din ang mga pasaway na drayber kaya rito magpopo­kus ang dalawang grupo.

Samantala, aabot sa 200 HPG per­sonnel ang aayuda sa MMDA habang 10 wreckers naman ang bibitbitin ng mga ito.

Nilinaw ng MMDA na ipato-tow nila ang mga sasakyan kapag lumagpas sa 5 minuto itong nakaparada habang ti­tiketan lang kapag makararating ang may-ari nito sa loob ng 5 minuto.

Aabot sa mahigit P6,000 ang multa sa mga naka-illegal parking.

Bayad na, perhuwisyo pa. Tsk-tsk-tsk!

Sa totoo lang, hindi na kailangang magkahilahan pa ng sasakyan para tu­luyang malinis ang mga kalsada mula sa illegal parking dahil disiplina lang ang kailangan para magawa ito.

Kunsabagay, mas gusto ng karamihan na maabala muna bago tuluyang mag­tanda.

Para sa mga suki ng illegal parking, huwag n’yo nang hintayin na ma-tow ang sasakyan o matiketan dahil puwede itong maiwasan kung magiging disipli­nado kayo.

‘Ika nga, ang pagbabago at kaayusan ng bansa ay dapat magsimula sa ma­mamayan kaya panawagan sa lahat, hu­wag maging pasaway at mga batas-tra­piko, huwag dedmahin!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.