Multa at tanggal-certificate sa school service na walang fire extinguisher

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Ano ba ang kaukulang parusa kung ang school transport service tulad ng school bus ay walang fire extinguisher? — Tegan

Dear Tegan,

Para sa inyong kaalaman, ang inyong katanungan ay tinatalakay sa Part IV, (21) ng Department of Transportation and Communications- Joint Administrative Order No. 2014-01 o mas kilala bilang “Revised Schedule of Fines and Penalties for Violations of Laws, Rules and Regulations Governing Land Transportation” kung saan nakasaad ang parusa sa school transport services na walang fire extinguisher:

“IV. VIOLATIONS IN CONNECTION WITH FRANCHISE

TYPE OF VIOLATION /PENALTIES

21. Failure to provide fire extinguisher and the required “STOP and GO” signage for use of each vehicle (STS only) • 1st offense - fine of P5,000 • 2nd offense - fine of P10,000 and impounding of unit for thirty (30) days • 3rd and subsequent offenses - fine of P15,000 and cancellation of Certificate of Public Convenience (CPC) where the unit is authorized.

Nawa ay nasagot namin ang inyong mga katanungan. Nais na­ming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maa­aring maiba ang opinyon kung mayroong karagdagang impor­masyong ibibigay. Mas mainam kung personal kayong sasangguni sa abogado.