Bahay niratrat, tatay patay, anak sugatan

NORTH COTABATO—Isang 55-anyos na lalaki ang namatay at sugatan naman ang anak nito nang barilin ng mga hindi kilalang salarin ang kanilang bahay kamakalawa sa Bgy. Silik, Pikit.

Ang nasawi ay si Ampog Tejiro, samantalang, ang sugatan ay ang anak niyang si Padido, 27-anyos, kapwa nakatira sa nasabing barangay.

Ayon sa ulat, nasa loob ng kanilang bahay ang mag-ama nang pagbabarilin ng mga suspek ang kanilang tahanan na ikinasawi ni Ampog at ikinasugat ni Padido.

Nagpalabas na ng manhunt operation ang mga awtoridad para madakip ang mga suspek.