Tokyo street fighting, abangan at DLSU sa best center semis

MGA basagulero sa kalye may tsansa na kayong makipagbakbakan ng totoo at magkakamit pa ng malaking premyo sa ibabaw ng ring kung dito ninyo ilalabas ang inyong tapang!

Ang ONE Championship ay naghahanap ng pinakamatapang at pinaka-astig na Street fights players sa ONE Street Fighter Tokyo Challenge na sasagupa sa isang professional players. Idaraos ito sa Bellesalle Shibuya Garden sa Okt. 6 kung saan ang Tokyo Challenge ay kukuha ng dalawang magwawagi sa Open Community Tournament na isasagawa ng Campcom pro Tour Super Premier Bonchan mula sa tatlong teams na binubuo ng siyam na pinakamalakas na Street Fighter ng Asya.

May prize fight ito na US$20,000. Ang entry sa torneo ay libre at mag-sign up lang sa https://oneesports.gg/maff-streetfighter.Ang torneo ay bahagi ng two-day ONE Martial Arts Fan Fest na itinatampok din ang mga atleta ng ONE Championship tulad nina Demetrious Johnson at Eddie Alvarez, maging ang martial arts legends na sina Rich Franklin at Miesha Tate.

Samantala, pakay ng De la Salle Greenhills-A na magmartsa sa finals hawak ang unbeaten record kontra sister team LSGH-B sa semifinals ng Small Basketeers Philippines sa Linggo sa Xavier School gym. Makakaharap ng Group A elimination round leader LSGH-A na may malinis na 4-0 win-loss record ang LSGH-B na nalagay sa 2nd place ng Group B na may 2-1 marka na magsisimula ng 2:15 p.m.

Ang magwawagi ay haharapin ang panalo sa iba pang semis match sa pagitan ng College of San Benilde-Rizal at DLSU Zobel-Green na maglalaro ng 3:30 pm. Ang laro ay bahagi ng Best Center’s SBP-Passerelle twin tournaments. Ang finals ay sa Setyembre 15. (MC / VA)