Pulis pinagbabaril ng riding-in-tandem, todas

ISANG pulis na naka­ta­laga sa Police Re­gional Of­fice-Autonomous Region in Muslim Mindanao ang pi­nag­babaril ng riding-in-tan­dem sa Quezon City, ka­ha­pon.

Kinilala ang biktima na si Patrolman Michael Per­necita delos Reyes, 36, may asawa, dating nakatalaga sa QCPD-Cubao Station 7, na nali­pat sa PRO-ARMM noong 2017, residente ng Bgy. Baesa. Batay sa inisyal na re­port sa CIDU-QCPD, ang pamamaril ay naganap ala-1:28 ng hapon sa Bgy. Alicia Bago Bantay.

Ayon sa pahayag ng sak­sing si ‘Ri­chard’, tricycle dri­ver, kay PSSg. Ramon­cito Ty, nagulat na lamang siya nang tapatan ng dalawang lalaki na sakay ng motorsiklo at kapwa nakasuot ng helmet ang nasabing pulis na sakay din ng motor saka pinagba­baril nang malapitan.

Nabatid na susunduin ng biktima na sina­sabing nag-AWOL ang kanyang mga anak sa paaralan nang mang­yari ang krimen.