6 Vietnamese, ibinubugaw ng 2 Chinese.. Condo na sex den, buking

NAILIGTAS ng mga awtoridad ang anim na ka­babaihang Vietnamese na umano’y ginawang prosti­tutes mula sa dalawang bu­gaw na ba­baeng Chinese sa isinagawang entrapment operation sa isang condomi­nium sa Makati City, kama­kalawa ng gabi.

Kinilala ni NCRPO Di­rector Police Major General Guillermo Eleazar ang mga biktimang sina Nguyen Thi Thuy Trang, Nguyen Thi Truc Ly, Vo Thi Ngoc Tu, Nguyen Thi Diem Phoung, Nguyen Thi Trang at Ngu­yen Thi Tham, pawang mga nasa hustong gulang.

Nakapiit sa Makati City Police ang dalawang suspek na sina Kuang Meiting, 29, at Li Xuemei, 33, kapwa Chinese.

Alas-9:45 ng gabi nang ma-rescue ang mga biktima at nahuli naman ang mga sus­pek sa ilang units sa isang con­dominium sa Bgy. San Antonio Village, Makati City.

Pawang mga nakataluk­bong ng puting tuwalya ang mga biktima at suspek nang dalhin ang mga ito sa tang­gapan ng NCRPO.

Batay sa imbestigasyon, sa pamamagitan ng social media at messaging isinasa­gawa ang pambubugaw sa mga ito.

Kung saan ipinamimi­gay sa mga Chinese na nag­tatrabaho sa POGO ang mga promotional card na may QR code at kapag ini-scan ay makakasali na sa group chat at dito makikita ang mga babaeng inaalok.

Napag-alaman na gina­gawang show-up room ang condo unit at may tatlo pang maaaring upahan ng paruk­yano para umano sa pakiki­pagtalik.

Umaabot sa P9,500 ang ibinabayad ng kada kostu­mer sa isang babae at ang renta naman ay nasa P4,500.

Pumasok umano sa ban­sa ang mga Vietnamese bilang turista ngunit, ang pakay ta­laga nila ay magtrabaho sa pa­mamagitan ng prustitus­yon.

Nakumpiska ng mga pu­lis mula sa condominium ang laptop, mga cellphone at sangkatutak na promo­tional cards at condoms.

Pansamantalang ilalagay sa Department of Social Wel­fare Development (DS­WD) ang anim na biktima ha­bang ang dalawang suspek ay sasampahan ng kauku­lang kaso.