2 konsehal, tinuluyan sa pekeng dokumento

KINASUHAN ng anti-graft charges sa Department of Justice (DOJ) sina Iloilo City Councilors Atty. Jo­shua Alim at Atty. Plaridel Nava at ang kanyang self-styled local consumer advo­cate kaugnay sa umano’y paggamit ng pinekeng doku­mento para lituhin ang Kon­greso para hadlangan ang franchise renewal ng 95-year-old Panay Electric Company (PECO).

Naglatag umano sina Alim at Nava sa Kongreso ng petisyon na may 27,000 pekeng lagda ng mga resi­dente ng Iloilo na sumusu­porta sa pagbasura ng PECO franchise para sa pagbibigay ng elektrisidad sa higit 54,000 households at business es­tab­lishments sa Iloilo City at dalawang kalapit na lugar.

Kasama sa reklamo si self-styled consumer advo­cate Jane Javellana na na­ngu­na umano sa pangangalap ng mga pekeng pirma.

Nabigo namang huma­rap ang dalawang konsehal sa preliminary hearing sa National Prosecution Service ng DOJ.

Nauna rito, ang mga ki­nalap nilang ebidensiya ay ipinrisinta sa Kongreso at ito umano nagbigay-daan para pagbigyan ang MORE Elec­tric ng power franchise.

Sa complaint-affidavit na inilatag sa DOJ, iginiit ni PECO Administrative Head Marcelo Cacho na sinaman­tala ng dalawa ang kanilang posisyon at nilinlang ang ka­nilang nasasakupan.

Bukod sa paghahain ng criminal complaint, nais din ng PECO na pagmultahin ng P100 milyon para sa da­mages ang mga ito.