2 trabahador nakuryente, dedbol

PATAY ang dalawang helpers matapos makuryente sa kanilang pinapasukang trabaho sa Bgy. Puting Kahoy, Calaca, Batangas.

Pasado alas-4:00 ng hapon, naglilinis ng kanilang kagamitan sina Michael Sola, 21, at Hernando Ocap, 23, kapwa tubong-Masbate City at stay-in worker ng R.A. Poultry Farm.

Isa umano sa kanila ang aksidenteng nahawakan ang live wire kung saan agad itong nagkikisay. Hinawakan naman ng kasama nito kaya pati siya ay nadamay.

Pinilit silang madala sa pagamutan subalit, idineklarang dead-on-arrival.

Patuloy ang pagsisiyasat sa insidente at kung may nakikitang kapabayaan ang may-ari ng naturang farm.