Cavite-Laguna expressway, bubuksan na — DPWH
NAKATAKDANG buksan ang unang bahagi ng 10-kilometer segment ng Cavite-Laguna Expressway (CALAX) sa Oktubre matapos inspeksiyunin ni Department of Public Works and Highways (DPWH) Sec. Mark Villar, kasama ang DPWH Technical Team, Metro Pacific Tollways Corporation subsidiary MP CALA Holdings, Inc executives, ang construction development ng alignment simula sa Mamplasan Toll Barrier hanggang Silang East, Cavite Interchange, kahapon.
Ang unang segment ay nagsisimula sa Mamplasan Barrier at daraan sa apat na interchanges kabilang ang Laguna Technopark Interchange, Laguna Boulevard Interchange, Santa Rosa-Tagaytay Interchange at Silang East Interchange sa Cavite.
Kapag nakumpleto ng CALAX ang 4-lane, nasa 45-km tolled expressway na ang kumukonekta sa CAVITEX at SLEX.
Ang nasabing P25-billion project ay mag-uumpisa sa CAVITEX sa Kawit, Cavite at magtatapos naman sa SLEX-Mamplasan Interchange sa Biñan, Laguna.
Ang proyekto ay magkakaroon ng interchanges sa walong lugar sa Kawit, Daang Hari, Governor’s Drive, Aguinaldo Highway, Silang, Sta. Rosa-Tagaytay, Laguna Blvd., Technopark at Toll Barrier bago sa SLEX.
Comments