Mga tricycle driver, hindi obligadong magsuot ng helmet
- BULGAR
- Sep 2, 2019
- 1 min read
Dear Chief Acosta,
Motorsiklo rin ang gamit ng mga tricycle at delikado rin ang sakay nito kung ito ay mabangga. Hindi ba obligado ang mga tricycle drivers na magsuot ng helmet? — Marbelyn
Dear Marbelyn,
Para sa inyong kaalaman, ang batas na nakasasaklaw sa inyong katanungan ay ang Sec. 4 ng Republic Act No. 10054 o mas kilala sa tawag na “Motorcycle Helmet Act of 2009” kung saan nakasaad na:
“Section 4. Exemption. – Drivers of tricycles shall be exempted from complying with the mandatory wearing of motorcycle helmets as provided in this Act.” (Binigyang-diin)
Samakatwid, malinaw sa batas na ang mga tricycle drivers ay exempted o hindi obligadong magsuot ng motorcycle helmets.
Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Comments