Sey mo, Gerald? JULIA, LUMIPAT SA BAHAY NA MALAPIT KAY JOSHUA

Nitz Miralles / BIDA

Natutuwa ang mga supporters ni Julia Barretto dahil hindi na masyadong toxic basahin ang comment section ng Insta­gram (IG) niya, halos wala nang bashing at walang negative comments sa post ni Julia.

Sabagay, walang ka-bash-bash sa bagong post ni Julia na tungkol sa lili­patan niyang bahay na malapit lang pala sa dati nilang bahay.

Post ni Julia: “I went to do a little shopping since I’m already moving into my new home.

“Fun fact: I will only transfer a few steps away from my mom’s house. People often find it weird and usually ask me, “why?” and I simply answer, “why not?” My mom is my bestest friend and my number one source of strength. Even though, she has raised me to be independent and brave, I still don’t see any reason why I should be far away from her.

“Sa totoo lang, kaila­ngan ko pa rin siya. At least, I still get to have breakfast, lunch and dinner at her place. Makaka­tipid pa rin ako sa ulam at kanin. Sorry mom.”

Ang daming nag-congratulate kay Julia dahil at her age, may sarili nang bahay at marami ang naka-relate na sa bahay pa rin ng inang si Marjorie Barretto siya kakain.

Ikinatuwa naman ng mga fans nina Julia at Jo­shua Garcia na mas napa­lapit ang dalawa dahil five minutes drive lang daw from Julia’s house to Joshua’s place.

Samantala, malapit na ang showing ng movie nina Julia at Joshua na Block Z at dito malalaman kung buo pa rin ang fans ng dalawa at hindi sumabay na nawala nang sila’y mag-break.