Sanla ATM ng mga nangungutang, hindi safe!

RYAN B. SISON / BOSES

UTANG, ‘yan ang isa sa mga dahilan kaya marami sa ating mga kababayan ang hindi pa rin nakaaahon sa kahi­rapan.

‘Yung tipong kahit nagtatrabaho ka na­man pero balewala dahil ipinambabayad mo lang din ito sa mga utang.

Nakalulungkot, pero paraan din ito para maka-survive tayo sa hirap ng bu­hay.

Kaya hindi rin natin masisi ang ilan kung bakit kung anu-ano nang paraan ang kanilang gi­nagawa para lang ma­kahiram ng pera upang matugunan ang kanilang mga pangangaila­ngan.

Gayunman, pinayuhan ng Bureau of Cus­toms (BOC) ang kanilang mga tau­han na iwasan ang mangutang ng pera kapalit ang pagsasanla ng kanilang ATM.

Ito ay kasunod sa abiso ng Bangko Sentral ng Pilipinas (BSP) na ang “Sanla ATM scheme” umano ay prone sa iden­tity theft, kaya para maiwasan ang gani­tong klase ng insidente ay sumunod na lang tayo sa mga kinauukulan.

Dagdag pa rito, hindi maganda kung ang gagamiting loan collateral ay ATM cards at mas mainam kung sa mga le­hi­timong finan­cial institution na lamang mang­hiram ng pera kung talagang kina­kailangan.

Samantala, kung makasasanayan din nating magsanla ng ATM cards, maaaring lalo tayong mababaon sa utang dahil alam nating mayroon tayong puwedeng kunan ng pambayad.

Gayundin, kung gusto nating uma­senso, magtipid at iwasang bumili ng mga bagay na hindi naman prayoridad para maiwasan ang utangan at kagipitan.

Tandaan, ang hindi marunong lu­mingon sa pinag-utangan ay hindi na ma­kauulit, kailanman!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.