PDU30, pa-times up na, mga pramis sa ‘pinas, hindi pa tapos
- BULGAR
- Sep 1, 2019
- 2 min read
‘BER’ months na.
Merry Christmas po!
◘◘◘
MAGIGING pinakamasayang tao ang mga parak ngayon.
Kasi hindi na bawal tumanggap ng regalo!
◘◘◘
MAGING ang airport personnel ay kaiinggitan.
Kasi puwede na rin silang mag-‘meri krismas’ sa mga balikbayan!
◘◘◘
NILINAW ni P-Digong sa China ang UN arbitral ruling sa West Philippine Sea (WPS).
Nilinaw din ng China na hindi nila ito kinikilala.
Ganu’n lang, wala lang!
◘◘◘
KAHIT saang lugar ipinoprotesta ang Prime Water na nagmomonopolya ng distribusyon ng tubig sa mga lalawigan.
Ikaw na ang “kaibigan”.
He-he-he!
◘◘◘
MAY isa pang BFF si P-Digong na nais namang makontrol ang elektrisidad mula sa solar panel.
Namputsa, ang enerhiya mula sa kalikasan ay pinagkakakitaan na ng mga dorobo — nang panghabambuhay!
◘◘◘
WALANG magagawa ang mga Pinoy.
Kung may sapat pang lakas at resistensiya si P-Digong, maaari sana niyang idepensa ang masa kontra sa mga amuyong na mapagsamantala!
◘◘◘
MAHIHIRAPAN si P-Digong na “mahalata at madiskaril” ang pagiging ganid ng mga tao sa kanyang paligid dahil kailangan niyang unahin ang kalusugan niya.
Siyempre, ang prayoridad ni lolo ay ang kanyang buhay kesa ang buhay ng mga nagdarahop!
◘◘◘
MAHIGIT dalawang taon na lamang ang termino ni P-Digong.
Setyembre na at next year ay halos huling 24 buwan na lang niya sa Malacañang!
◘◘◘
ANG huling 24 buwan ni P-Digong simula next year ay wala nang “patol”— magsisimula nang higupin ang loyalty ng kanyang mga amuyong ng potential presidentiables.
Ibig sabihin, ang productive months ni P-Digong ay tinatayang 12-18 buwan na lamang!
◘◘◘
SA loob ng 12-18 buwan, maresolba pa kaya niya ang matitinding problema ng bansa?
Sa totoo lang, ibinabala na ni P-Digong ang “sitwasyon” na maaaring magbigay ng hindi masusukat na pasanin sa mga Pinoy sa mga susunod na mga buwan.
Ano kaya ‘yun?
Hulaan!
Comments