Pagpapalaya sa 2,000 convicted murderers, rapists, drug lords — Bong Go | HINDI DUMAAN KAY P-DUTERT

HINDI umano dumaan kay Pangulong Rodrigo Du­terte ang maagang pagka­kalaya ng halos 2,000 krimi­nal na sinintensiyahan dahil sa mga karumal-dumal na krimen.

Ito ang sinabi ni Senador ‘Bong’ Go kasunod ng inila­bas na listahan ng mga na­pala­yang convict na naka­benepisyo sa Good Conduct Time Allowance (GCTA).

“Hindi dumaan kay Pa­ngulo ‘yan. Anong gagawin ng presidente? Papasagutin niya ang dinaanan,” wika ni Go. Ayon sa senador, hindi pa nasasabihan ang pangulo kaugnay sa mga napalayang mga convict ng karumal-du­mal na krimen.

Gayunman, tiniyak ni Go na pananagutin ni Pangu­long Duterte ang nasa likod ng pagpapalaya sa libu-li­bong heinous crime convicts.