Hirit ni P-DU30 na sa 'Pinas ang wps, tablado kay pres. Jinping

PABLO L. HERNANDEZ III / PRANGKAHAN

HIRIT NI P-DU­TER­TE TUNGKOL SA WPS, TINABLA NI CHINESE PRES. JIN­PING — Sa kanilang bilateral meeting ay inungkat nina P-Duterte at Chinese Pres. Xi Jinping ang tungkol sa arbitral ruling ng Permanent Court of Arbitration na nagsasaad na pag-aari ng Pilipinas ang mga isla at karaga­tan na sakop ng West Philippine Sea (WPS), pero ang masaklap, si­na­bi ng Chinese president na hindi raw nila kinikilala ang hatol ng arbitral court.

Naku, dahil d’yan, baka masira ang friendship nina P-Duterte at Chinese Pres. Jinping, abangan!

◘◘◘

DAPAT GAYAHIN SI REP. VARGAS, ANG PULITIKONG MARUNONG MAG-SORRY—Binatikos ng mga guro ang nakasaad sa “no homework” poli­cy ni Quezon City 2nd Dist. Rep. Alfred Vargas kung saan pagmumulta­hin ng P50, 000 at isa hanggang dalawang ta­ong pagkaka­kulong ang mga guro na magbibigay ng assignment o tak­dang-aralin sa estudyante.

Dahil nabatikos, agad humingi ng pau­manhin si Rep. Vargas sa mga guro at tinanggal ang P50K penalty.

Ganyan sana ang lahat ng pulitiko na kapag nagkamali ay agad humihingi ng pauman­hin, palakpakan naman d’yan!

◘◘◘

BILYONES ANG NA-SCAM, TAPOS P170 MILYON TAX EVASION LANG ANG IKINASO SA MISIS NG KAPA FOUN­DER? —Nag­sampa ng P170 million tax evasion case ang Bureau of Internal Re­ve­nue (BIR) laban kay Reyna Apolinario, misis ni KAPA founder at investment scammer Pastor Joel Apolinario.

Pambihira, bilyones ang iniulat ng National Bureau of Investigation (NBI) na na-scam ng mag-asawa sa mga KAPA member tapos P170 milyon tax evasion case lang ang isinampa sa misis ni Pastor Apolinario, buwisit!

◘◘◘

SAKLA NI “WAL­TER”, BALIK-OPE­RASYON SA MUN­TINLUPA CITY—Balik-operasyon na naman daw ang raket na sakla ni “Wal­ter” sa Muntinlupa City.

O, ano, Mayor Jaime Fresnedi at P/Col. Ge­rar­do Umayao, “nga­nga” na lang ba kayo sa panraraket ni “Walter” sa jurisdiction ninyo? Aba, aksiyon na, dali!