Tatay na todo-alala para sa mga anak na babaeng gusto nang mag-asawa

Dear Roma,

Ako si Jeffrey, 48 years old, may anak akong apat at tatlo ang babae rito. Ngayon ay namumroblema ako dahil dalawa sa mga anak ko ay gusto ng mag-asawa. Sa totoo lang, may tiwala ako sa kanila, pero natatakot ako bilang ama. Ano ang dapat kong gawin para mapanatag ang aking kalooban? Salamat! — Jeffrey

Jeffrey,

Alam mo, bro, lahat tayo ay darating sa punto na iiwanan tayo ng mga anak natin dahil bubuo rin sila ng sarili nilang pamilya, pero hindi ibig sabihin nu’n, eh, kalilimutan na nila tayo. Kaya para mapanatag ang kalooban mo, kausapin mo ang mga lalaking mapapangasawa nila at gabayan mo sila nang sa gayun ay malaman mo kung ano ang sitwasyon nila sa araw-araw. Bilib kami sa iyo dahil kitang-kita namin na mahal na mahal mo ang mga anak mo. God bless!