9-anyos nabulag matapos turukan ng Dengvaxia | PANIBAGONG KASO KAY GARIN, INIHAIN

KASAMA ang Public Attorney’s Office, naghain ng reklamo sa Department of Justice ang isang ginang nang mabulag ang kanyang anak matapos umanong ma­turukan ng Dengvaxia.

Sa 3 pahinang si­num­paang-salaysay ni Girlie Samonte, Agosto 30, 2017 ay nabakunahan ng Deng­vaxia ang kanyang 9-anyos na anak na si MJ sa isang health center sa Tondo. Gayunman, pagsapit aniya ng Setyembre ay na­pan­sin na niyang nagsimu­lang ma­walan ng ganang ku­main ang kanyang anak, na­mayat at naging mainitin ang ulo.

Enero 23, 2018 aniya ay bigla nalang nangisay si MJ at nagkaroon ng seizure.

Isinailalim sa laboratory test ang dugo at ihi nito sa Gat Andres Bonifacio Me­morial Medical Center at da­hil negatibo naman kaya pina­uwi na ito at pinainom nalang ng paracetamol.

Peb­rero, muling na­os­pital si MJ matapos bu­mag­sak, ma­hilo at magsuka at inilipat sa Ospital ng May­­nila kung saan nakita na may pumutok na abnormal ugat sa utak kaya nagkaroon ng malfunct­ioning sa pas­yente.

At dahil sa mga nabali­taan nila tungkol sa mga nag­kasakit at namatay matapos maturukan ng Dengvaxia, du­mulog na umano siya sa PAO. Sa pagsusuri ng PAO Forensic Team, nakumpirma na namaga at nagdugo ang mga ugat sa utak ni MJ na tugma sa deklaradong ‘side- effects’ ng Dengvaxia.

Kasong reckless impru­dence resulting in serious phy­sical injuries, torture resulting in the death of any person, and torture commit­ted against children at pag­labag sa consumer act of the Philippines ang isinampa laban sa Sanofi Pasteur at kay dating Health Sec. Ja­nette Garin, Zuellig Phar­ma, mga dati at kasaluku­yang opisyal ng DOH at FDA.