Pagunsan at que, papalo sa japan tour

KASAMA sina Juvic Pagunsan at Angelo Que ng Pilipinas sa malaking grupo ng mga professional par­bus­ters na nakatakdang maki­paghatawan para makuha ang kampeonato ng 2019 Japan Golf Tour - Rizap KBC Augusta na magsisi­mula ngayong Huwebes, Agosto 29 sa Keya Golf Club ng Itoshima, Fukuoka.

Ang 41-anyos na si Pa­gunsan ay may makinang na rekord sa pagpasok sa tor­neong magkakaloob ng JPY 100,000,000 sa mga mapa­pabilang sa winners’ circle.

Taong 2018 nang puma­ngatlo siya sa bakbakang ito bitbit ang 12-under-par na 276.

Umuusok na 64 ang ipinoste ng Pinoy sa huling round. Ang overall perfor­mance ni Pagunsan ay dala­wang strokes lang ang layo sa nagkampeong si Dai­jiro Izumida ng Japan at isang palo lang ang bentahe sa kanya ng bridesmaid mula sa South Korea na si Ho Sung Choi.

Kamakailan din, nahab­lot ng beteranong si Pagun­san ang runner-up honors sa pagsasara ng sagupaang bi­nansagang Shigeo Naga­shima Invitational SEGA­SAMMY Cup dahil naka­pagsumite ito ng kabuuang iskor na 16-under-par 272 na palo sa malupit na 2019 Japan Golf Tour sa North Country Golf Club ng Chi­tose, Hokkaido.

Pitong birdies (hole nos. 1, 3, 7, 8, 9, 13 at 17) ang naging ar­mas ni Pagunsan, pang-390 sa world rankings at ilang beses na leg titlists ng Philippine Golf Tour, la­ban sa dalawang bogeys (hole nos. 2 at 11) patungo sa final round tally na 67 at makasampa sa podium ng kompetisyong umakit ng may 139 pro golfers mula sa iba’t-ibang parte ng mundo.

Nauna rito, pumalo ang Pinoy ng 69, 69 at 67 sa unang tatlong yugto ng pa­ligsahan ayon sa pagkaka­sunod sunod.