Kahit friends pa rin naman daw sila… MARIS, UMAMING SOBRANG NASAKTAN SA BREAKUP NILA NI IÑIGO

Vinia Vivar / FRANKLY SPEAK

HALATANG na-miss nina Maris Racal at Iñigo Pascual ang isa’t isa dahil panay ang biruan nila sa presscon ng I’m Ellenya L. last Tuesday. One month din kasi silang hindi nagkita dahil galing ang young actor sa ibang bansa para sa promo ng kanyang first international single na Catching Feelings.

Matatandaang kamakailan lang ay naging balita ang paghihiwalay nila na pareho na nilang inamin in their past interviews. It could also be recalled na umamin si Maris sa Tonight with Boy Abunda last June na talagang brokenhearted siya.

Pero ngayon ay mukhang naka-move on na si Maris at nang matanong nga kung ano ang status nila ni Iñigo, sey nila ay “good friends.”

Mutual decision naman daw ang pag­hihiwalay nila at talagang may maayos na pag-uusap.

“Actually, napaka-formal and decent ng pinag-usapan namin na mag-focus na lang sa solo projects,” sabi ni Maris.

Sey naman ni Iñigo, “There was no bad blood, nothing negative, we never really had any fight.”

When asked kung paano sila naka-cope-up sa breakup, ayon sa young actor, siguro raw ay dahil sa sobrang busy na rin nila pareho.

“Like si Maris, she’s working so much. She’s working on different movies, she has two movies coming up this month of September and teleserye.

“I feel like, more than anything, we’re just grateful that we’re working, to be able to do things that we want to,” sey ni Iñigo.

Ani Maris ay blessing in disguise na rin daw na ang dami ring magagandang op­portunities na dumarating sa kanila.

“Like si Iñigo, ‘yung music niya, sa akin naman, ‘yung acting career, so blessing in disguise talaga na dumating sila,” she said.

Of course, masakit daw, pero ani Maris ay kailangan niyang maging strong. Bagama’t hurting daw siya ay never naman siyang nagalit kay Iñigo.

Hindi naman daw nila isinasara ang pintuan nila para sa isa’t isa and open pa rin for reconciliation if ever, pero sa ngayon daw, talagang sa career muna sila magpo-focus.

Samantala, ang I’m Ellenya L. ang first solo lead role ni Maris at isa ito sa mga maituturing niyang malaking blessing talaga na du­mating sa kanya. She plays Ellenya La­kampati at pangarap niyang maging isang sikat na vlogger.

Ang naturang pelikula ay dir­ectorial debut din ni Boy 2 Quizon, na isa rin sa mga co-producers (N2 Produc­tions) along with Spring Films and Cobalt Entertainment.