Kulong at multa sa sinumang tatangging bigyan ng maayos na burol ang namatay na mayroong HIV/AIDS

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Namatay ang aking tiyuhin dahil sa sakit na Human Immunodeficiency Virus (HIV). Gusto namin siyang iburol sa funeral cha­pel na malapit sa aming lugar, pero ayaw pumayag ang may-ari nito. Puwede bang tanggihan ng may-ari ng funeral chapel na iburol doon ang labi ng aking tiyuhin dahil sa siya ay mayroong HIV? — Lucas

Dear Lucas,

Para sa inyong kaa­la­man, inilalahad ng Republic Act No. 8504 (R.A. No. 8504) o kila­la rin sa tawag na “Philippine Aids Prevention and AIDS Prevention Act” na ang sinumang yumao na mayroong HIV ay may karapatan sa angkop na burial services. Dahil dito, hindi maaaring tanggihan ng sinuman na mabigyan ng proper burial services ang isang namatay na mayroong HIV. Ayon sa Section 41 ng natu­rang batas:

“Sec. 41. Denial of burial services. — A deceased person who had AIDS or who was known, suspected or perceived to be HIV-positive shall not be denied any kind of decent burial services.

Ayon naman sa Section 52 ng Implementing Rules and Regulations ng naturang batas:

“Section 52. Denial of Burial Services Subject to the observance of universal precautions as outlined in Section 21 of this IRR, any deceased person who was known, suspected or perceived to be HIV positive shall not be denied any kind of decent burial services. Decent burial services include any ceremonial, burial or cremation practices that conform to culturally acceptable religious beliefs and norms.

Kaugnay nito, inila­had din ng parehong batas na ang sinumang tumangging bigyan ng proper burial services ang namayapa na may­ro­ong HIV o AIDS ay maaaring pagmultahin o makulong. Ayon sa Section 42 ng nasabing batas:

“Sec. 42. Penalties for discriminatory acts and policies. — All discriminatory acts and policies referred to in this Act shall be punishable with a penalty of imprisonment for six (6) months to four (4) years and a fine not exceeding ten thousand pesos (P10,000). In addition, licenses/permits of schools, hospitals and other institutions found guilty of committing discriminatory acts and policies described in this Act shall be revoked.

Ayon sa mga nabang­git, malinaw na hindi maa­aring tanggihan ng may-ari ng funeral cha­pel na iburol ang inyong tiyuhin sa naturang funeral chapel sa kadahi­la­nang siya ay mayro­ong HIV.

Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay naka­ba­se sa inyong mga naisa­lay­say sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.