20 toneladang botchang Chinese meat, ibinaon na sa Payatas

DINALA kahapon sa Pa­yatas dumpsite para iba­on matapos i-reject sa Rizal Dumpsite ang 20 to­neladang botcha na Chinese meat at iba pang produkto na may street value na P20 milyon na nakumpiska sa siyam na bodega sa pangu­nguna ni Manila Vice-Mayor Honey Lacuna at ng Veterinary Ins­pection Board-Social En­forcement Squad, kamaka­­lawa ng umaga sa Juan Luna, Tondo, Manila.

Itinurnover ang mga bot­chang karne ng Veterinary Inspection Board-Special Enforcement Squad sa De­partment of Agricilture-Na­tional Meat Inspection Ser­vice para sa disposisyon.

“Sir, for your info, the meat are on its way to the dumpsite Rizal- doon po natin ibabaon. Disposal pro­tocol will be followed and Region 4A incident com­mand center will be on top of situation on disposal,” ayon sa report ni Dr. Rieldrin Morales, ng Crisis Manage­ment Team of Department of Agriculture (DA) kay Manila Mayor Francisco ‘Isko Moreno’ Domagoso.

Samantala, pinasala­ma­tan naman ni Moreno si La­cuna at ang VIB at NMIS dahil sa pagtupad sa kanyang kautu­san para sa kapakanan ng mga taga-Maynila.

Iniimbestigahan na rin ng Special Mayors Reaction Team (SMaRT) ang mag-amang Chinese na sina Jo­hann Sim at Won Hong Cheng, may-ari ng bahay na sinala­kay sa Gagalangin, Tondo kung saan natagpu­an ang mga Chinese meat, ga­yundin ang dalawang driver at isang Chi­nese na pumasok sa ba­hay sa kasag­sagan ng raid.