Misis, nabalitaang may kabit | MISTER LUMAKLAK NG LASON, PATAY

NASAWI habang gi­nagamot sa ospital ang isang mister makaraang uminom ng lason kamakalawa ng gabi sa Pangasinan.

Kinilala ang mister sa alyas Felix, nasa hustong gu­lang, naninirahan sa nasabing lugar.

Ayon sa mga kaanak, alas-10:00 ng gabi, tatawagin sana ito para kumain nang matagpuang nakabulagta.

Hinihinalang uminom ito ng lason na pamatay ng peste.

Napag-alamang halos isang buwan nang malung­kot at halos ayaw kumain ni ‘Felix’ nang mabalitaang may kinakasama na ang misis nito sa Amerika.