Co-host ni Willie, level-up! Hipon Girl, milyones ang followers sa socmed, biglang sikat, may kanta
MAGTAGUMPAY kayang muli ang Wowowin host na si Willie Revillame na pasikatin si Hipon Girl (Herlene Budol) na isa sa mga co-hosts niya ngayon sa kanyang game show?
Contestant lang noon sa Wil of Fortune segment ng Wowowin si Hipon Girl, pero dahil natural ang kanyang pagiging jologs at komedyante, bumilib sa kanya si Revillame at kinuha na siya upang maging bahagi ng show.
Malakas ang karisma sa tao ni Hipon Girl, maraming viewers ang natutuwa sa kanya at milyones din ang kanyang naging followers sa social media. Kaya, maging ang composer na si Lito Camo ay bumilib at iginawa ng kanta si Herlene at kamakailan lang ay ini-launch na ang unang single ni Hipon Girl, ang Talikodgenic.
Sexy at maganda ang height ni Hipon Girl. Posibleng sumikat din siya tulad nina Donita Nose at Super Tekla na galing din sa Wowowin. Kumpara kina Donita Nose at Tekla na hasang-hasa na sa pagiging stand-up comedian kaya madali silang nabigyan ng exposure sa ibang shows ng GMA-7, si Hipon Girl ay marami pang pagdaraanang proseso upang ganap na mapabilang sa mundo ng showbiz.
Kailangan na may gagabay sa kanya at tutulong upang matutunan niya ang makisama sa lahat ng klase ng taong makakasalamuha niya. Kailangan ding mahasa pa nang husto ang kanyang acting talent at need din niya ng total makeover upang magkaroon ng “celebrity aura” na dapat niyang taglayin bilang celebrity. Mapag-aaralan naman ang lahat basta pursigido siya.
Comments