Chief Acosta sa mga naninira at sinungaling | MATAKOT KAYO SA KARMA

PUMALAG si Public At­torney’s Office Chief Per­sida Acosta sa paniba­gong paninira sa kanya kung saan ngayon ay iniuugnay naman siya kay Ombudsman Sa­muel Martires.

Ang pahayag ni Acosta ay kasunod ng pagkalat ng larawan nila ni Martires sa social media, partikular sa Facebook.

May caption pa ang na­sabing larawan na kuha noong State of the Nation Address (SO­NA) ni Pangu­long Rodrigo Duterte na “bakit confident si Acosta sa malalimang imbestigas­yon na gagawin ni Ombudsman Martires”?

Binigyang-diin ni Acosta na marami sila sa nasabing picture at hindi lang sila ni Martires taliwas sa nais pala­basin ng nag-post ng larawan.

Buwelta ng hepe ng PAO, puro ka­sinungalingan at paninira ang ginagawa sa kanya.

Maging ang pagdiriwang umano niya ng kanyang ka­arawan ay kinukulayan na rin ng kanyang mga kritiko.

Ani Acosta, walang pon­do ng PAO ang nagagamit sa kanyang paghahanda tuwing kanyang kaarawan.

Lahat aniya ng ito ay mula sa kanyang sariling bul­sa.

“Matakot sa karma ng langit ang mga sinunga­ling!” giit ni Acosta.