BAWAL PA ANG MPBL PLAYER NA MAGLARO SA PBA

KAILANGAN munang maghintay ang mga dating pros at rookie aspirants na naglalaro sa MPBL sa pagtatapos ng season bago sila bibigyan ng tsansa na umakyat sa paglalaro sa PBA.

Isang direktiba na nilagdaan ni MPBL Commissioner Kenneth Duremdes ang inaprubahan ni league founder at chief executive officer Manny Pacquiao ang inilabas para sa lahat ng 31 koponan na naglalaban sa regional amateur basketball league.

Sa gitna ng elimination round, may mga gumugulong nang lipatan at tanggalan ng players sa liga upang mapalakas pa ang kani-kanilang line ups bago pa ang playoffs.

Ang trading, releasing at acquisition ng MPBL free agents ay inaasahang mangyayari sa kalagitnaan ng elimination round.

“We’re doing this to make sure it will not hamper the preparation of teams as they build up for the playoffs,” saad ni Commissioner Duremdes.

“Unfair din naman sa mga teams na nagpalakas and nag-improve ng line up nila, then all of a sudden iri-release lang agad.

The best way is to finish the season before these players will be released to the PBA.

We’re not stopping our players’ dream of playing or getting back to the PBA, but we also have to protect our teams in the MPBL.” (MC)