NILEKSIYUNAN NG ARMY ANG FLYING TITANS SA PVL

BUMALIKWAS mula sa dalawang sets na pagkakaiwan ang Pacific Town-Army at winalis ang huling tatlong frames upang mapayukod ang baguhang Choco Mucho, 39-41, 19-25, 25-19, 25-20, 15-12, kahapon sa 2019 PVL Open Conference sa FilOil Flying V Center sa San Juan.

Pinangunahan ni Jovelyn Gonzaga ang nasabing panalo ng Lady Troopers sa itinalang 24 puntos, 23 dito ay galing sa attacks.

Nakagawa ng 20 sa 4th frames, binitbit ni Gonzaga ang scoring, pumukol ng ilang sunod na banat at binigyan ang Pacific Town-Army ng 22-20.

Nakalamang sa iskor na 10-6 sa decider, nahabol pa ang Lady Troopers ng Flying Titans matapos ang itinala nilang 5-1 run sa pamumuno ni Cindy Imbo at naitabla ang iskor sa 11-all.

Dito nagsanib-puwersa sina Gonzaga at Nene Bautista upang selyuhan ang kanilang panalo sa pinakamatagal na laro ng season na umabot ang first set sa iskor na 41-39.

Kasunod ni Gonzaga, umiskor ng 23 puntos si Royce Tubino at 13 puntos si Bautista para sa Pacific Town-Army.

Nanguna sa Choco Mucho si Kat Tolentino na may 23 puntos kasunod si Maddie Madayag na may 15 puntos. (VA)