Tserman niratrat ng riding-in-tandem

PINAGBABARIL hanggang sa mapatay ng dalawang hindi pa tukoy na lalaki ang barangay chairman sa mismong tapat ng kanyang bahay sa Laoang, Northern Samar.

Kinilala ang biktima na si Carmelito Baluyot, 51, kapitan ng Bgy. Rombang.

Batay sa report ng pulisya, alas-6:00 ng gabi ng Lunes nang pagbabarilin ng mga suspek ang biktima na umano’y tumigil sa tapat ng tindahan nito at nagkunwaring bibili ng gasolina.

Nang makumpirmang si Baluyot ang kausap ng mga suspek ay dito na ito pinagbabaril sa ulo at dibdib bago nagsitakas sakay ng motorsiklo.

Hindi pa matukoy sa imbestigasyon kung ano ang motibo sa krimen.