TIP ENGINEERS, MINASO ANG ALBEREI SA D-LEAGUE

NASIGURO ng Technological Institute of the Philippines na nasa top two ng Group B ay panalo pagkaraang iposte ang 105-95 kontra Alberei kahapon sa 2019 PBA D-League Foundation Cup sa Ynares Sports Arena sa Pasig.

Sa pagbabalik aksiyon ni Papa Ndiaye mula sa hamstring injury, pinamunuan nya ang Engineers sa ipinoste niyang 37 puntos, 18 rebounds, at 4 na assists para tumapos na may markang 5-1, panalo-talo.

Nagdagdag ang kakampi nyang si Bryan Santos ng double-double 28 puntos, 11 rebounds, at tig-2 assists at steals.

Sa kabila ng panalo, hindi nasiyahan si TIP coach Potit de Vera matapos matapyas ang kanilang 18-puntos na lamang sa fourth period (92-74) hanggang anim 101-95, may 37 segundo pa ang nalalabing oras.

“I’m not happy with today’s ball game,” ani De Vera. “I don’t want to go to the playoffs with the thinking that our players are good enough.”

Nanguna naman sina Jonathan Parreno at Jomari Lacastesantos para sa Kings na nanatiling winless pagkaraan ng apat na laro sa itinala nilang tig-20 puntos. (VA)