Karnaper todas sa pulis

DEDBOL ang isa sa da­lawang karnaper matapos makipagbarilan sa mga pulis sa Caloocan City, kahapon ng madaling-araw.

Ayon kay Caloocan Po­lice Chief P/Col. Noel Flo­res, minamaneho ni Analyn Bonafe, 26, CCTV operator ng Libis, Baesa ang kanyang Yamaha Mio nang harangin ng mga suspek sa kahabaan ng Libis area.

Tinutukan ng baril ng mga sus­pek ang biktima at pinababa saka tinangay ang motorsiklo.

Humingi naman ng tu­long ang biktima sa pulisya kaya agad nagkasa ng fol­low-up operation ang SIB, SSOU at PCP 3 sa pangu­nguna nina P/Maj. Raymond Nicolas at P/Capt. Jonathan Victor Olveña.

Alas-5:15 ng madaling-araw nang mamataan ng mga pulis ang mga suspek sa West Service Road, Bgy. 161 saka tinangkang pigilan subalit, pinaputukan sila ng dalawang kawatan.

Gumanti ng putok ang mga pulis na nagresulta sa pagkamatay ng isa sa mga suspek at narekober sa crime scene ang motorsiklo ng bik­tima at isang cal. 38 revolver.