ISKOnek WiFi, MNL konek na lang para iwas-epal

ISKO MORENO / ISKOR

NAGING isyu nitong nakaraang araw ang sinasabi ng ilan na paglabag sa sarili nating patakaran tungkol sa mga ‘epal’.

Nais nating linawin, hindi pang-eepal ang libreng proyekto na ipinagkaloob ng Eastern Telecoms upang magkaroon ng libreng internet o “WiFi” sa ilang parke sa Lungsod ng Maynila.

Kaya naman, agad nating ipinabago ang WiFi kiosk mula sa ISKOnek at ngayon ay tinatawag na itong MNL Konek.

Samantala, nais nating humingi ng pasensiya kung hindi natuwa ang ilan sa ating mga kababayan at asahan ninyo na palagi tayong makikinig sa lahat ng kanilang hinaing at reklamo.

Ganitong klase ng pamamahala at gobyerno ang inyong maaasahan sa ating liderato.

Marami pa tayong plano sa lungsod at umaasa tayo sa tulong sa bawat isa. “Let’s make Manila great again!”