Pulis pinagbabaril, utas

INIUTOS na ang pag­buo ng Special Investigation Task Group ng Quezon City Police District upang siya­satin ang pagkamatay ng pulis na nakatalaga sa Ano­nas Police Station 9.

Pasado alas-6:00 kama­ka­lawa ng gabi nang puntir­yahin ng dalawang suspek si Police Master Sergeant Anthony Lacson, 40, sa Ano­nas Road kanto ng Pajo St., Bgy. Quirino 2A, Project 2.

Sakay ng kanyang mo­tor­siklo ang biktima nang habulin at pagbabarilin ng mga suspek.

Nang sumemplang ang pulis, lumapit pa ang mga ito at muli itong binaril nang malapitan bago nagsitakas.

Bagama’t, naisugod sa Quirino Memorial Medical Center si Lacson, hindi na rin ito umabot ng buhay.

Kasabay nito, tiniyak ni QCPD Director Police Bri­gadier General Joselito Es­quivel, Jr. na hindi sila titigil sa pagtutugis sa mga salarin kasabay ng apela sa naka­saksi sa krimen na makipag­tulungan sa kanila para sa ikareresolba ng kaso.