Mag-iiyak man magdamag si Cardema, tablado siya sa Comelec kasi hindi na siya youth

PABLO L. HERNANDEZ III / PRANGKAHAN

IMBES ISOLI SI ALICIA SA INA NITO, PINAG-PRESSCON PA NI ZARATE PARA BA­TIKUSIN ANG GOB­YERNO — Habang umi­iyak sa Senado at nanana­wagan si Relissa Lucena sa gobyerno na tulungan siyang maibalik sa kanya ang anak niyang 18-anyos na si Alicia Lucena na hindi na umuwi ng kanilang bahay mula nang sumapi sa Anakbayan, ang dapat sanang ginawa ni Ba­yan Muna Rep. Isagani Za­rate ay dinala ang dalaga sa Senado at ibinalik sa ina nito.

Ang problema, hindi gan­yan ang ginawa ni Zarate at sa halip ay nagpa-press­con sa Kongreso kasama si Alicia at hinayaan pa itong (Alicia) batikusin ang gob­yerno na hinihingian ng tu­long ng ermat ng dalagang aktibista, buwisit!

◘◘◘

KAHIT MAG-IIYAK PA, TABLADO NA SA COMELEC SI CARDE­MA — Napaiyak si ex-Na­tional Youth Commission (NYC) Chairman Ronald Car­dema sa kanyang pa-press conference dahil sa isyung pagdiskuwalipika sa kanya ng Comelec dahil over­aged na siya para maging representante ng Duterte Youth Partylist.

Hay, naku, kahit siguro magdamag na mag-iiyak si Cardema ay hindi na magba­bago ang pasya ng Comelec, kasi nga sa edad niyang 34 ay hindi na siya youth, boom!

◘◘◘

STL, IPINA-STOP NI P-DUTERTE, PERO JUETENG SA ALBAY, NA­MAMAYAGPAG PA RIN — Namamayagpag na raw ngayon ang pa-jueteng ni “Jun Moriones” sa Albay.

Kung totoo ito, dapat ku­westiyunin ni DILG Sec. Edu­ardo Año sina PNP-Re­gion 5 Director Brig. Gen. Arnel Escobal, Albay PNP Director Col. Wilson Asueta at Albay Gov. Al Francis Bi­chara kung bakit sa kabila ng pagpapatigil ni P-Duterte ng STL operation, ang jueteng sa kanilang jurisdiction ay na­mamayagpag pa rin, pe­riod!

◘◘◘

MGA TAGA-CUS­TOMS, DAPAT IPA-LIFESTYLE CHECK NI P-DU­TERTE — Tuloy pa rin daw ang “tara” system sa Cus­toms.

Kung gustong malaman ni P-Duterte kung sino sa mga opisyal ng Customs ang tumatanggap ng “tara,” simple lang ang dapat niyang gawin at ito ay ipag-utos ang life­style check kasi riyan mala­laman kung sinu-sino sa mga taga-Customs ang naging ins­tant millionaire sa pag­­­tang­gap ng “tara” sa mga smuggler sa Adwana, boom!