LAKI NG BUDGET SA SEAG, PANG-OVERALL CHAMP

NANINIWALA si Team Philippines Chef de Mission (CDM) William Ramirez na posibleng isang malaking milagro na magiging katulad ng SEAG 2005 sa susunod na 106 days sa pagsapit ng hosting ng bansa ng 30th Southeast Asian Games sa Nob. 30- Dis. 11, 2019.

“Para sa akin, hindi imposible na mag-champion tayo kasi host tayo eh, atsaka malaki itong budget na inasikaso natin,” ayon kay Ramirez sa nakaraang tripartite agreement signing between Philippine Sports Commission (PSC), Philippine Olympic Committee (POC) at Philippine SEA Games Organizational Committee Inc. (PHISGOC) sa Rizal Memorial Sports Complex, Manila. Sa P6-B na budget para sa SEA Games hosting nitong 2019, sinabi ni Ramirez na walang rason para hindi kunin ang overall championship.

Pagdating sa medal projection, aniya, responsibilidad na ng NSA’s President at Secretary General na tumarget ng medalya hindi ng CDM, POC o PHISGOC. Ito rin ang rason kung bakit pinupulong ni Ramirez ang NSA’s. “Every week, Monday and Tuesday we have been meeting Presidents and Secretaries General of the NSAs. We try to set up the possible medal goals of each NSA.” (MC)