Tricycle driver todas sa bus

ISANG tricycle driver ang namatay habang kritikal ang 64-anyos na lolang pa­sahero nito matapos salpu­kin ng pampasaherong bus sa Caloocan City, kaha­pon ng umaga.

Namatay habang gina­gamot sa MCU Hospital sanhi ng tinamong pinsala sa ulo at katawan si Dante Ig­nacio, ng 11th Avenue, A. Bo­­nifacio, Balintawak, Que­zon City.

Ginagamot naman si Flor­delisa Bintad, ng Bag­bag, Novaliches na nagtamo ng mga sugat sa katawan.

Ipinag-utos na ni Caloo­can Police Chief P/Col. Noel Flores ang pagtugis sa driver ng Raven Bus Transport (ACZ 4374) na nakilala lang sa Jonathan Boque na tuma­kas matapos ang insidente.

Batay sa ulat, alas-5:40 ng umaga, tinatahak ng tri­cycle ang kahabaan ng 10th Avenue patungong Ri­zal Avenue habang bina­bag­tas naman ng bus ang kaha­baan ng B. Serrano patu­­ngong EDSA.

Pagsapit sa kanto ng B. Serrano at 10th Avenue, na­salpok ng bus ang kali­wang bahagi ng tricycle na naging dahilan upang maipit si Ig­nacio sa pagitan ng dalawang sasakyan.