2 BOC officials pinagbabaril

DALAWANG babaeng opisyal ng Bureau of Cus­toms (BOC) ang sugatan ha­bang nakaligtas naman ang isa pa nilang kasama ma­tapos pagbabarilin ng apat na lalaki sa Bgy. Magallanes, Makati City.

Naisugod sa Makati City Medical Center ang da­lawang biktima na sina Ma­ricon Manalo, 56, officer-in-charge ng Formal Entry Division at Marietta Lasac, 60, Principal Apprai­ser nang makahingi ng tulong sa mga opisyal ng barangay.

Nakaligtas naman ang staff ni Manalo na si Chere­lene Salazar, na nakaupo sa likuran ng kotseng mina­maneho ng una.

Sa ulat na nakarating kay Makati City Police Chief Col. Rogelio Simon, alas-8:00 ng gabi, sakay ng To­yota Altis ang mga bik­tima at tinatahak ang kaha­baan ng Lapu-Lapu Avenue nang harangin sila ng kotse sa pa­nulukan ng Victoria St., Bgy. Magallanes.

Bumaba ang apat na la­laki at pinalibutan ang kotse ng mga biktima bago inu­tusan silang bumaba habang pinupuwersang buk­san ang pintuan sa driver’s seat.

Tumangging bumaba ang mga biktima kaya bina­sag ng isa sa mga suspek ang sala­min sa gawing harapan ng driver’s seat kaya sa kabila ng takot, nagawang patak­bu­hin ni Manalo nang pa­atras ang kotse upang taka­san ang mga suspek.

Dito na sila pinagbabaril kung saan tinamaan si Lasac sa katawan habang sa kali­wang daliri naman naha­gip si Manalo na patuloy sa pag­­­mamaneho. Tumakas naman ang mga salarin ma­karaang ma­kahingi ng tulong sa mga barangay ang mga biktima.

Ayon kay P/Major, Gi­deon Ines, patuloy ang kani­lang pagsisiyasat sa pama­­magitan ng pakiki­pagtulu­ngan ng mga intelligence of­ficer ng BOC habang nag­sasagawa na rin sila ng fol­low-up operation upang ma­­kilala at madakip ang mga salarin.