SUPERSTARS SA TEAM USA, NAGSI-ATRASAN NA SA FIBA

NALAGAS na ang kara­mihan sa superstars ng Team USA bago pa man ang trai­ning camp para sa nalalapit na FIBA Basketball World Cup at nitong huli ay si Sacramento Kings big man Marvin Bagley III ay umat­ras na rin. May 16 players sana ang Team USA, pero 12 na lang ngayon habang nasa kasagsagan sila ng pre-tournament na nagsimula noong Agosto 16 sa Spain.

Out na si Zion William­son, ang No. 1 overall pick ng 2019 NBA Draft at ayon kay Team USA director Jer­ry Colangelo sa The Athletic, may problema sa tuhod ang player. Umayaw na rin si Cava­liers star Kevin Love, kasunod si Portland Trail Blazers All-Star guard Damian Lil­lard noong Mar­tes lang.

Naiulat na­mang si Spurs swingman De­Mar DeRozan ay committed pa sa praktis, pero si Kyle Lowry ay umatras na rin dahil nag­papagaling pa ng opera sa daliri.

Wala na rin si Wa­shing­ton Wizards’ star Bradley Beal dahil nanganak ang misis niya. Nasundan ito ng pag-atras ni Phi­la­delphia swing­man Tobias Harris.

Sumama na rin sa tro­pang lumi­san sina La­kers forward An­­tho­ny Davis, Ro­ckets guards James Harden at Eric Gor­don, Knicks fo­ward Julius Ran­dle, Clippers forward Mon­trezl Harrell, Pelicans guard JJ Redick, Pistons center Andre Drum­mond at Trail Blazers guard CJ McCol­lum.

Ang mga nalabi sa Team USA roster ay sina Harrison Barnes, De’Aaron Fox, Joe Harris, Kyle Kuzma, Brook Lopez, Khris Middleton, Donovan Mitchell, Jayson Tatum, P.J. Tucker, Myles Turner, Kemba Walker at Derrick White. (MC)