Tatay pinagtataga, anak arestado

GINAGAMOT ang isang ama matapos pagta­tagain ng kanyang anak sa Bgy. Malinao Ilaya, Atimo­nan, Quezon.

Alas-10:10 ng gabi, abala sa panonood ng telebisyon ang biktimang si Domino Laurio, 65, biyudo, magsa­saka, nang dumating ang suspek na si Rommel Laurio, 48, may asawa, walang tra­baho.

Armado ang suspek ng itak nang sugurin at pagta­tagain ang kanyang tatay na nagtamo ng mga sugat sa iba’t ibang bahagi ng kata­wan.

Nagawa pa nitong ma­kapagtago sa palikuran upang makaiwas sa pag-atake ng anak hanggang sa mapansin ng suspek ang pag­dating ng mga awtori­dad.

Dali-dali itong tumakas na agad namang nasukol ng pu­lisya. May personal na galit umano ang suspek kaya ti­nangka nitong patayin ang ama.