Sulat-kamay na pramis ng financial support pero idinenay na nang tumagal, 'di valid para habulin

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Hindi pumirma ang ex ko sa birth certificate ng anak namin subalit, siya ay nagbigay ng suporta at gumawa siya ng handwritten note na nangangakong magbibigay ng buwanang suporta sa anak namin. Pero, ngayon ay ayaw na niyang suportahan ang bata at itinatanggi ang kanyang relasyon dito bilang ama. Maaari bang gamitin ang kanyang handwritten note bilang patunay na siya ang ama ng aking anak? — Meryl

Dear Meryl,

Para sa inyong kaalaman, ang desisyon ng Korte Suprema sa kasong Ben-Hur Nepomuceno vs. Arbhencel Ann Lopez (G.R. No. 181258, March 18, 2010, Ponente: Honorable former Associate Justice Conchita Carpio Morales) ay angkop sa inyong sitwasyon. Ayon sa Mataas na Hukuman:

“Under Article 278 of the New Civil Code, voluntary recognition by a parent shall be made in the record of birth, a will, a statement before a court of record, or in any authentic writing. To be effective, the claim of filiation must be made by the putative father himself and the writing must be the writing of the putative father. A notarial agreement to support a child whose filiation is admitted by the putative father was considered acceptable evidence. Letters to the mother vowing to be a good father to the child and pictures of the putative father cuddling the child on various occasions, together with the certificate of live birth, proved filiation.

x x x x

The above-quoted note does not contain any statement whatsoever about Arhbencel’s filiation to petitioner. It is, therefore, not within the ambit of Article 172(2) vis-à-vis Article 175 of the Family Code which admits as competent evidence of illegitimate filiation an admission of filiation in a private handwritten instrument signed by the parent concerned.

Sang-ayon sa nabanggit na desisyon ng Korte Suprema, ang private handwritten document kung saan nakasaad ang pangako na magbigay ng suporta at walang tuwirang pagkilala sa batang sinusuportahan bilang kanyang anak ay hindi sapat na basehan o patunay ng kanilang filiation.

Nawa ay nasagot namin ang inyong mga katanungan. Nais na­ming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.