MMDA chairman Lim, takot masabon sa Yellow lane policy, no show sa senado

PABLO L. HERNANDEZ III / PRANGKAHAN

MGA KABABAYAN NI VP LENI, LIBRE NANG MAKAPAG­PA­PAGAMOT DA­HIL SA MALA­SA­KIT CENTER NINA P-DUTERTE AT SEN. “BONG” GO —Ni­tong nakalipas na Agos­to 3, 2019, pinasina­yaan ni Ma­lasakit Center Foun­der Sen. Christopher “Bong” Go sa tulong ni Sec. Michael Lloyd Diño, Presidential Asst. for the Visayas at OIC ng Malasakit Center, ang ika-39 Ma­lasakit Center Project ng Duterte gov’t. sa Bicol Medical Center sa Naga City, Cama­rines Sur.

Aba, dapat palang mag-"thank you” ang lider-oposisyon na si VP Leni Robredo kina P-Duterte at Sen. Go kasi libre nang maka­pag­papagamot ang kanyang mga kababayan sa Bicol Medical Center sa pamamagitan ng Malasakit Center Pro­ject ng Duterte gov’t., period!

◘◘◘

HINDI NAGKA­MALI SI P-DUTER­TE SA PAGTALAGA KAY EX-COL. GAR­MA SA PCSO—Nang italaga ni P-Duterte si dating Police Col. Royina Garma bilang general manager ng PCSO, ang unang gina­wa nito ay inimbesti­gahan ang mga ano­malya sa ahensiya at nang makumpirma ang ko­rupsiyon ay agad niya itong ipinarating sa Malacañang na nag­re­sulta upang ipatigil ng pangulo ang operasyon ng STL (small-town lottery), Peryahan ng Bayan at Keno.

Kung ganu’n, hindi pala nagkamali si P-Du­terte sa pagtalaga kay GM Garma sa PCSO dahil tunay na anti-corrupt pala ito, palakpakan naman d’yan!

◘◘◘

INISNAB NI CHAIRMAN DANI­LO LIM ANG SENATE PROBE KASI ALAM NIYANG “MASA­SABON” SIYA SA PALPAK NA YELLOW LANE POLICY NG MMDA SA EDSA —Hindi su­mipot si MMDA Chairman Danny Lim sa pagdinig ng Senado kaugnay sa bus yellow lane policy ng MMDA na nagdulot ng matin­ding trapik sa EDSA.

Talagang iisnabin ni Chairman Lim ang Senate probe kasi alam niyang “masasabon” siya nang husto sa palpak na bus yellow lane policy nila sa EDSA, boom!