Magkaibigan, patay sa swimming

NASAWI ang dalawang kabataan ma­tapos malunod habang naliligo sa dagat na sakop ng bayan ng Bagac sa Bataan.

Martes ng hapon nang matagpuan ang bangkay ng 18-anyos na si Marlon Angu­luhan habang Lunes ng umaga naman nang makita ng mga tauhan ng Philippine Coast Guard sa tulong ng Metro Bataan Deve­lopment Authority (MBDA) ang bang­kay ng isa pang nalunod na menor-de-edad.

Sa imbestigasyon ng Ba­gac Municipal Police, ka­sama ang dalawa sa anim na mag­kakaibigang nagkayaya­ang maligo sa dagat noong Linggo subalit, sa kasagsa­gan ng ulan, lumakas ang hampas ng alon at tila hinigop sa ilalim ang dalawang bik­tima.

Agad namang dinala sa Bagac Com­mu­nity and Me­dicare Hospital ang mga kasa­mang nakaligtas para mabigyan ng first aid.

Napag-alaman ng pu­lisya na naka-red flag alert status ang resort na ibig sa­bihin ay sarado ito sa publiko dahil sa masamang panahon at nagpumilit umanong pu­masok at maligo ang mga ito.