3 days ultimatum sa 2 kapalmuks na higanteng negosyante sa Maynila na ayaw magbayad ng P25-M utang

ISKO MORENO / ISKOR

KAHAPON ay binigyan natin ng ultimatum ang dalawang korporasyon, ang XRC Mall Developers at Marketlife Ma­nagement and Leasing Corporation na magba­yad na ng kanilang mata­gal nang pagkakautang at obligasyon sa Lungsod ng Maynila na nagka­kahalaga na halos P25 milyon.

Nakadidismaya na ‘yung mga maliliit na negosyo ay nakapag­babayad, samantalang, ang mga dambuhalang kumpanya, winawa­langhiya ang gobyerno. Para na ninyong nila­lapastangan ang lungsod niyan!

Para sa mga hindi nakakaalam, ang dala­wang kumpanya na XRC at Marketlife ay naki­pag-joint venture sa pamahalaan ng Lungsod ng Maynila noong na­karaang administrasyon at nangakong magbi­bigay ng “guaranteed revenue” o panigura­dong kita dahil sa pag­payag ng siyudad na gawing pribado ang public market sa lungsod.

Ngunit, nakalu­lung­kot isipin na mula noong 2017 ay hindi na nakapagbabayad ang mga kumpanyang ito na namamahala sa Sta. Ana Market, San Andres Market, Sampaloc Mar­ket, Trabajo Market at Quinta Private Market.

Kaya inatasan na natin ang ating city administrator na bigyan ng 72 hours ang nasabing mga kumpanya para mabayaran ang kanilang pagkakautang at kung hindi ay mapipilitan tayong ipawalang-bisa ang mga kontrata nito.

Hindi ito makataru­ngan para sa siyudad, lalo na sa mga maliliit nating kababayan na naghahanapbuhay sa nasabing palengke na patuloy nilang sinisi­ngil. Mas inuna nilang bawiin ang kanilang ginastos kaysa gawin ang obli­gasyon sa pamahalaan.